زێدان حامد
دھەلبژارتنێن ۷حوزەیرانێ دا ھەدەپە شیا بو ئیکەم جار بەربەستا یاسایا ۱٠%یا ھەلبژارتنێت تورکیا دەرباز بکەتن ،ورێژەیا ۱۳.۴%ب دەست خوڤە بینیتن ،وگورانکاریێ دنەخشەیێ تورکیا دا بکەتن ،وئیک پارتی ژناڤ ببەت ورێگریێ ل ئاکەپێ بگریتن کو حکومەتەکا ئیک لایەنی ئانکو زورینە پێک بینیتن ، لێ ئاکەپە نەشیا حکومەتەکا بنکە فراوان پێک بینیتن ،ھەلبەت وێ نەدڤیا ئەڤ حکومەتە بھێتە پێک ئینان، ئەڤە ژی بو ئیک ژوان ئەگەران کو جارەکا دی ھەلبژارتن بھێنە دووبارەکرن ،ئەڤە ژی بو ئەگەر کو ئاکەپە گورانکاریێ دسیاسەتا خودا بکەتن ،ھەروەسان ئەو ماوێ ۳ھەیڤان بو دووبارە ھەلبژارتنا دانای بو خو دەرفەت ببینیتن ….. .
ل ڤێرێ دا گرنگترین وان خالێن دھێنە دانان کو ھەدەپێ نیزیکی ۳٠کورسیکا ژ دەست داین ئەڤێن ل ژێرینە :-
۱-ئەو بانگەشا بو مافێن گەلێن تورکی دکر ،کو دێ مافێن ھەمی گەلان بێ جیوازی پارێزین ،ھەر زی ژناڤ برنا ،ئەو ژی ل دەما گووتی ئەم بشکداریێ د ج حکومەتان دا ناکەین ،ئەڤێ چەندێ ژی روویێ راستەقینە یێ ھەدەپێ بو خەلکێ تورکیا دیارکرن ،ڤێ جارێ دەنگێ خو نەدایێ ،
۲-پشت گەرمیا سەرکردێت وێ ب ھێزین (پەکەکە )کێ ،و گوھداریکرنا سەرکردێت پەکەکێ ،و ھەول دان ژبو ئەنجام دانا شەری وتووندو دژیێ دناڤبەرا کورد و تورکان دا .
۳-خووین گەرمی وبلەز بریاردانا گەنجێ سەرکردەی سلاح دەمیرتاش ،کو تووشی سەرگەرمی بووی ،و ب بێ ھزری پیلان ددارێژتن .
۴-شکەستنا ھەدەپێ ژبو دروستکرنا پەیوەندیان دناڤبەرا نەتەوەیێ تورک وکورد دا ، ونەشیا دەنگێت ھاولاتیت تورک ب دەست خو ڤە بینیتن ،
۵-ژ دەست دانا باوەریا رێژەکا زور یا دەنگدەرێت کورد ،ژبەر وێ خوبایی بوون و بێ منەتیا سەرکردێن ھەدەپێ .
یا ژ ڤان خالان ھەمیا گرنگتر ئەوە کو پەکەکە ئەگەرێ سەرەکی یێ ژ دەست دانا باوەریا دەنگدەران بوو،ژبەر ڤێ چەندێ پێتڤیە ھەدەپە خو ژ سیاسەتا پەکەکێ دوویربێخیتن .