هاوکات له‌گه‌ڵ مێدیا جیهانییه‌کان زۆربه‌ی مێدیا کوردییه‌کان هه‌واڵی جه‌ژنی ساڵوه‌گه‌ری سه‌رکه‌وتنی شۆڕشی کۆماری ئیسلامی ئێرانیان بڵاو کرده‌وه.
به ڕاپۆرتی ئاژانسی مێهر، ئاژانسی باس نیوز له میانه‌ی ۲۴ کاتژمێری ڕابردوودا ۳ بابه‌تی له‌سه‌ر ساڵوه‌گه‌ری سەرکەوتنی شۆڕشی کۆماری ئیسلامی ئێران بڵاو کردووه‌ته‌وه. یه‌که‌م بابه‌ت لەبارەی مێژووی ۳۸ ساڵه‌ی شۆڕشی ئیسلامی ئێران و خوێندنه‌وه‌ی ئه‌م شۆڕشه بووە. دووهه‌م بابه‌ت بڵاو کردنه‌وه‌ی وێنه‌کانی سه‌ردار قاسم سولیمانییه که به‌شداری له ڕێپێوانه‌کانی شاری تاراندا کردووه. سێهه‌مین بابه‌ت که له لایه‌ن باس نیوزه‌وه بڵاو کراوه‌ته‌وه، هه‌واڵی لێدوانه‌کانی سه‌رۆک کۆماری ئێران، حه‌سه‌ن ڕۆحانییه.
له میانه‌ی ئه‌م هه‌واڵه‌دا هاتووه که حه‌سه‌ن ڕۆحانی له نێوان ئاپۆڕای جه‌ماوه‌ری خه‌ڵکی تاران وتی: خرۆشان و ڕێپێوانی بەرفراوانی ئەمڕۆ پەیامێکی ڕوون و ئاشکرا بوو بۆ ئەمریکا و هاوپەیمان و هەڕەشەکانیان.
سه‌رۆک کۆماری ئێران هه‌روه‌ها جه‌ختی کرد که شۆڕشی کۆماری ئیسلامی موڵکی هەموو هاووڵاتیانی ئێرانە و هەموو تێیدا بەشدارن.
ڕۆژنامه‌ی ئاوێنه‌ش له میانه‌ی ڕاپۆرتێکدا به گرنگیه‌وه باسی به‌شداری خه‌ڵکی ئێران له ڕێپێوانی ۲۲ ڕێبه‌ندان ده‌کات و له زاری سه‌رۆک کۆماری ئێرانه‌وه تیتری لێداوه که وا لە ئەمریکا دەکەین پاشگەزبێتەوە لە زمانی هەڕەشە.
له درێژه‌دا هاتووه که سه‌رۆک کۆماری ئێران وتی: خەڵک بە ئامادە بوونە بەرفراوانەکەی جارێکی دی بە جیهانی نیشاندا کە شۆڕش زیندووە و بەرەو ئامانجە باڵاکانی خۆی هەنگاو دەنێت.
ڕه‌نگدانه‌وه‌ی ۲۲ی ڕێبه‌ندان له مێدیا کوردییه‌کانی ناوچەکە
کوردپاریز، هیچ تعلق خاطری به گروه، حزب و یا جریان سیاسی، در میان انبوه سیاست ورزی های رایج احساس نمی کند و تلاش دارد تا رویکردی مستقل، نقادانه، تحلیلی و خردمندانه به وقایع و رخدادهای منطقه و جهان داشته باشد.